Florencia Aristegui eta Ayalen Artuch dute izena eta "Zumaia" bataiatu dute Buenos Aires probintzia hegoaldean sortu duten diseinu eta moda osagai ekimena. Gazte bezain ekimentsu dira eta euskal kultura eta eskulanak dituzte gustuko. Bi zaletasun horiek uztatuz abiatu dute "Zumaia", lepokoak, eskumuturrekoak, idunekoak eta orkatilakoak aurkeztuz, asko euskarazko izenekin gainera. Tres Arroyosen dauzkate salgai, baina beste edonondik heltzen bazaizkie eskaerak zerbitzatuko dituztela baieztatu digute.
Euskalkultura.com atariak eman du honen berri. Hemen irakurri dezakezue.