Hogarreko Beheko Plaza jatetxean zabaldu da argazki erakusketa. 1937ko kanporaketetako eta errefuxiatuen exodoko argazkiak bildu dituzte bertan. Bi maniki ere falangisten eta requeteen uniformeekin jantzi dituzte. 1937ko kanporaketak bizi izan zituzten zenbait zumaiar hurreratu ziren irekierara.
Jarraian, Aita Mari zinean, ekitaldi xume bezain hunkigarria egin zen. Antzerkia, dantza eta musikaren bitartez, Gerra Zibileko une latz haietan gertatutakoa gogoratu zen, Erkibeko kide Joseba Esnalek esan bezala, "ez ahazteko". Mezua garbi heldu zela agerian utzi zuten bertaratutakoen malkoek.