Julio Beobide ibiltokitik Juan Belmonte kalerako bidea Bidasoa kaletik emango dute korrikalariek. Aldaketa hau lasterketako itzuli luzean emango da. Hori dela-eta, aldaketa honengatik, itzuli luzea ohikoa dena baino 100 metro laburragoa da. Alde hori itzuli laburrean beteko; itzuli laburra 200 metro luzeagoa izango da.
Lasterketa laburrean itzuli txikiari eta luzeari buelta bana emango dizkiote; lasterketa luzean, aldiz, itzuli laburrari buelta bat eta luzeari bi buelta. Lasterketa luzearen 10.200 metroak errespetatuko dira; aldaketak medio, ordea, lasterketa laburra 100 metro luzeago izango da: 5.600 metrotik 5.700 metrora.
Lasterketa handia 17:00etan hasiko da. Aurretik, 15:45etik aurrera, haur eta gaztetxoen lasterketak jokatuko dira. Karrera handietarako izen-emateak zabalik daude hemen.