Pablo Ibarrek epaiketa berri bat du laster eta gastuak ordaintzen laguntzeko erabiliko da jaialdian bildutako dirua.
Ameriketako Estatu Batuetan preso dagoen Pablo Ibarren aldeko zesta punta jaialdia jokatuko da larunbatean Aitzurin, pilota elkarteak antolatuta. Pilota eskolako haurrek jokatuko dute aurrena kiniela moduan; jarraian, Koxme-Ekaitz eta Telmo-Uranga bikoteek; eta partida nagusian Goikoetxea-Inza eta Egiguren-Enbil. Jaialdia 17:00etan hasiko da eta sarrera 10 euroan izango da.