Ianire Gonzalezek maila bikaina eman du emakumeen maila goreneko Euskal Zirkuituan. Jokatu diren lau probetan oso maila ona erakutsi du, eta Mundakako azken lehiara sailkapen nagusiko lehen postuan iritsi zen. Mundakan txapelketa bikaina egin du beste behin, baina bigarren postua ez da nahikoa izan txapela janzteko. Izan ere, Garazi Sanchezek bere nagusitasuna erakutsi du, beste behin. Zirkuituko lehen proban ezin izan zuen parte hartu Sanchezek, baina Sopelan, Orruan eta Mundakan bera izan da onena.
Sailkapen nagusia
1. Garazi Sanchez
2. Ianire Gonzalez
3. Mikele Bento
4. Mireia Molini