Sekulako disgustoarekin daude Gokuren jabeak, gaur eguerdian istripua izan eta txakurra falta zaienetik. Animalien Babeserako Elkartetik adopzioan ekarritako txakurra da Goku, eta familiako kide bat gehiago bihurtu da dagoeneko. Gaur eguerdian, ur-araztegi aldetik paseoa egin ondoren gertatu da ezbeharra. Txakurrak errepidea gurutzatu eta kotxe batek harrapatu du bete-betean. Laguntzeko astirik ez dute izan, segituan ziztu bizian alde egin baitu, Marianton parketik Estazio aldera.
Orduz geroztik txakurraren bila dabiltza, baina ez dute aurkitu. Odol arrastorik ez dute ikusi, eta kolpatuta eta beldurrez ezkutatuta dagoela da jabeen esperantza. Txakurrak txipa dauka, identifikatu ahal izateko. Norbaitek ikusi edo aurkitu badu, jar dadila jabeekin harremanetan 653738544 telefono zenbakian. Gogotik estimatuko dute.