Interesdunek kiroldegian izena eman beharko dute gustukoen duten ikastaroan. Guztiek hiru hilabete iraungo dute: 2017ko urtarrilaren 9tik martxoaren 24ra bitarte, alegia.
Cycling, total training, gap, aerobic, pilates, mantentze gimnasia edota jump-eko ikastaroak dira kiroldegiak aurten eskaintzen dituen lehorreko jarduerak.
Horiez gain ezin ahaztu arrakasta handia duen ikastaroa, Zumba, alegia. Oraingoan, ikastaro hori 7-14 urteko haurrentzat berreskuratu da, beraz, guztira, hiru adin multzotan banatuta eskainiko da ikastaroa: 7-10 urteko haurrak, 10-14koak eta 14 urtetik gainerakoak, hain zuzen.
Igeriketa ikastaroak ere izango dira. 6 hilabetetik aurrerako haurtxoek ere izango dute aukera. 3 urtetik gorako haurren ikastaroei jarraipena emango zaie eta helduei dagokionez, igeri egiteko trebetasunaren arabera lau talde osatuko dira: hastapena, erdi maila, hobekuntza eta hobekuntza +.