Aurreko jardunaldian etxean ustekabean Getariako Ketaren aurka galdu ondoren, asteburu honetan irabaztea beharrezkoa zuen Zumaiakok goiko postuetatik hurbil mantendu nahi bazuen. Eta hala izan da: 2-3 emaitzarekin irabazi diote gorriek legazpiarrei. Jardunaldi honen ondoren, bosgarren da Zumaiako 20 punturekin, Eibar Urkorengatik bi puntura. Atzetik, Zestoa, Tolosa eta Aretxabaleta ditu, 19 punturekin, eta Idiazabal 18rekin.
Datorren jardunaldian, etxean, Mondragon izango du aurkari. Arrasatearrak hamabigarren postuan daude, 14 punturekin.