Aita Mari aretoa, Zumaia
Inazio Tolosak eta Ramon Agirrek antzeztutako Putinen guardasola antzezlana izango da abenduaren 2an, 22:00etan, Aita Mari zinean. Sarrerak dagoeneko salgai daude turismo bulegoan, 6 euroan; 4 euroan Gazte Txartelarekin edo Aita Mari lagun izanda.
Sinopsia
Lehendakaria kezkatuta dago. "Euskaldun guztiok batuko gaituen Himnoa behar dugu" aitortu du. Baina nork egingo du? Bilera luze baten ondoren konsensua lortu dute. Ray eta Nik izango dira Euskal Ereserkiaren egile. Erronka haundia bi artista hauentzat. Talentua eta eskarmentua nahikoa badute ere metodo berri bat asmatu behar izan dute erronka horri aurre egiteko. Metodo Mistoa. Orain herriz herri ibiliko dira euskaldun orok ikasi eta bere egin dezan Euskal Ereserki Berria.