Zumaiarrak protagonista izan dira Madrilgo Complutensen jokatzen ari diren bi zesta punta txapelketetan. Alde batetik, kluben arteko Espainiako Txapelketako azken fasean, finalerako txartela lortu du gaur Zumaiak Gasteizen aurka. Beste finalaurrekoan Berriatuak lortu du sailkatzea, Bartzelonako Vasconiari irabazita.
Bestetik, profesionaletako Madril Hiria torneoan ere bi zumaiar izango dira biharko finalean, baina kasu honetan aurrez aurre. Gaur jokatutako finalaurrekoetan Goikoetxeak eta Inzak 15-5 eta 15-5 irabazi dute Egiguren eta Enbilen aurka. Bigarren finalaurrekoa askoz lehiatuagoa izan da. Olha eta Erkiaga aurreratu dira lehen jokoa 15-8 irabazita, baina Olharanek eta Lopezek buelta eman diote bigarrenean (15-11), eta berdineta hausteko azken jokoa ere irabazi dute, 10-9. Txapela, beraz, Goikoetxea-Inza eta Olharan-Lopez bikoteen artean erabakiko da.