Emakumeen osasunaren aldeko ekintzaren Nazioarteko Egunaren inguruko ekitaldiak antolatu dira

Baleike 2016ko mai. 24a, 18:23

Maiatzaren 28a Emakumeen osasunaren aldeko ekintzaren Nazioarteko Eguna da. Horren inguruan hitzaldi, mahai-inguru eta antzerki saio bana antolatu ditu Udaleko Berdintasun sailak, Anitzen Sarea, Berdintasun foroa eta Biltzenekin elkarlanean.

Lehen hitzaldia bihar, asteazkena, izango da 18:30etik aurrera, Alondegiko Oxford aretoan. Hizlaria Jeanne-Rolande Dacougna Minkette, Biltzeneko kidea. Biltzen Gizarteratzea eta Kulturarteko Bizikidetzaren Euskal Zerbitzua da. Hitzaldiaren izenburua Determinantes sociales de la salud integral de las mujeres africanas en Euskadi da.

Ostiralean (18:30, Oxford) mahai-ingurua izango da. Mikroarrazakeria eta generoa izango da gaia eta parte hartuko duten emakumeak Patricia Ponce, Haurralde Fundazioaren zuzendaria; Tarana Karim, giza eskubideen ekintzailea, eta Sire Damba, Zumaiako afrikar elkarteko kidea izango dira. Dinamizatzaile lanetan Silvia Carrizo, Malen Etxea elkarteko kidea arituko da.

Amaitzeko, ekainaren 10ean, 22:00etan, Aita Mari zinean, Declaracion de Guillermo izeneko antzezlana izango da. Bernardo Atxaga da idazlea eta Jose Cruz Gurrutxaga aktorea.