Datorren asteburuan Euskadiko Txapelketa jokatuko dute bi taldeek, Bizkaiko eta Arabako txapeldunen aurka. Bilboko Zorrotzako kiroldegian izango dira partida guztiak. Larunbat goizean Arabako txapeldunaren kontra jokatuko dute, 10:30ean mutilek eta 12:00etan neskek; eta larunbatean bertan, bazkalondoren, Bizkaiko txapeldunen aurka (16:00etan mutilek eta 17:30ean neskek). Bi partidak egun berean jokatuko dituzten bakarrak izango dira, Araba eta Bizkaiaren artekoak igandean izango baitira.
Pulpo eskubaloi taldeko neskek 20-16 irabazi diote Elgoibarri finalean, eta mutilek 26-25 Bidasoari. Bi finalak larunbat eguerdian jokatu ziren, Usurbilen. Mutilek zein neskek denboraldi bikaina borobildu dute azken garaipenarekin.