Eusko Jaurlaritza prestatzen ari den suhiltzaileen legearen aurka daude EAEko suhiltzaileak eta egunotan egiten ari diren martxarekin presioa egin nahi dute lege hori onartu ez dezaten.
Gipuzkoako suhiltzaileek Eibar eta Arrasate arteko etapa egingo dute bihar. Arrasaten Bizkaiko kideekin egingo dute topo. Azken etapan, ostiralean, Aguraindik Gasteizera joango dira. Behin Arabako hiriburan, Legebiltzarreraino helduko dira.