Eguerdiko 12:00ak aldera hasiko da eta bost kirol motaz osatutako erronka izango da. Erreleboka burutuko da proba herrikoi hau. Hala, bost proba hauek burutuko dituzte: txirrindularitza, korrika, ergometroa, txingak eta lokotx-bilketa. Amaitzeko sokatiran arituko dira.
Getariako triatloi taldeko gazteak eta Oikiako mutilak neurtuko dira erronka honetan. Diru edo garaikurrik ez da izango jokoan, ohorea bakarrik.
Behin erronka amaituta, 14:30ean, herri bazkaria izango da, sagardotegi erara eta erromeria Ostolaza eta Andonegirekin. Arratsaldean Etzionk! taldearen saioa izango da eta 22:30etik aurrera Fan & Go taldearekin erromeria. Gauerdian piroteknia saioa izango da Eskubeltz taldearekin eta jarraian erromeriak jarraituko du.