Proiektuaren helburu da eskualdean lanpostu berriak sortzeko gaitasuna izan dezaketen enplegu gune berriak detektatzea. Horretarako, 3 sektore estrategiko hauen beharrak aztertzen ari gara: turismo eta zerbitzuen sektorea, ingurumen sektorea eta hirugarren adineko kolektiboaren sektorea. Sektore horien etorkizuneko joerak eta arrakasta izan duten kasuak identifikatu eta aztertzen ari gara.
Orain sektore horietako enpresa eta eragileekin elkartzeko unea da, proiektua aurkeztu, egin dugun diagnostikoa kontrastatu eta identifikatu ditugun joera eta aukerak elkarrekin aztertzeko.
Datozen asteotan ondoren zehazten diren topaketak egingo ditugu, Urola Kostako Udal Elkartearen egoitzan.
Ingurumen iraunkorraren sektoreko topaketa
Eguna: martxoak 30, 11:00etan
Lekua: Zarautzen, Urola Kostako Udal Elkartearen egoitzan
Nori zuzendua: Ingurumen arloko erakundeak eta ingurumen iraunkorraren inguruan lan egiten duten edo egin nahi duten enpresei
Turismo sektorea: bigarren topaketa
Eguna: apirilak 15, 09:30ean
Lekua: Zarautzen, Urola Kostako Udal Elkartearen egoitzan
Nori zuzendua: Turismo arloko erakundeak eta turismo arloan lan egiten duten enpresak (garraio enpresa, ostatu, jatetxe, kanpinak, bidai agentziak, elikadura sektoreko enpresak...)
Hirugarren adinarentzako arreta eta laguntza zerbitzuen sektoreko topaketa
Eguna: apirilak 22, 11:00etan
Lekua: Zarautzen, Urola Kostako Udal Elkartearen egoitzan
Nori zuzendua: 3. adinarekin lan egiten duten erakundeak eta 3. adinaren arloan lan egiten duten enpresak edo egin nahi duten enpresek.