Larunbatean Zarautz eta Getaria artean gertatutako bortxaketa kasu baten salaketa jaso du Ertzaintzak, familiak eskatuta daturik zabaldu ez den arren. Gertaerari erantzuteko, gaur arratsalderako mobilizazioa deitu da Zarautzen eta Getarian, "erasorik ez erantzunik gabe" lelopean. 18:00etan, Zarauzko musika plazatik Getaria aldera abiatuko dira, eta 19:00etan konzentrazioa egingo da Getariako udaletxe aurrean. Zumaiarrei ere 17:30eko autobusean Zarautzera joateko deia egin zaie.