Santo Tomas egunerako jaia antolatu du Alai kultur elkarteak auzoko merkatari eta tabernarien laguntzarekin, goizeko 11:00etan hasi eta gauera arte. Hemen daukazue egitaraua:Ostirala 21, Santo Tomas eguna
11:00etan, zabalduko da txosna. Txistorraren salmentan ateratzen den dirua Aspanogi (Gipuzkoako haur minbizidunen guraso elkartea) elkarteari emango zaio. Eguerdian, triki poteoa.
17:00etan, Potxin eta Patxin pailazoen ikuskizuna izango da.
18:30ean Ianire Bracamonte eta bere ikasleen dantza erakustaldia.
19:30ean, auzoko tabernetan triki-bertso poteoa.
Musikak gaueko 11:00ak iritsi arte jarraituko du.
Antolatzaileek herritar guztiak animatu nahi dituzte festara, ahal izanez gero baserritarrez jantzita. Elkarteko zuzendaritzak merkatari eta tabernarien laguntza eskertu nahi du.