Zumaiako alkateak pareta berberean inorekin hitz egin gabe zentsuratu duen 20. murala izan da atzokoa. Zumaia Guinness liburuaren orririk tristeenean sartzeko ahaleginak egiten ari da. Gainera, debekuei isunak gehituko dizkiote Mozal ordenantza baten bitartez, herriko eragile eta herritarrekin ezer adostu gabe. Alkateak jarreraz aldatu ezean, panorama grisa dugu aurrean.
Egutegiak hegan
Murala egin bitartean, alkateak zentsuratutako muralekin osatu dugun egutegia salzen egon ginen , eta gure ezusterako, bi ordu eta erdian 150 egutegi banatu genituen. Milesker adierazpen askatasunaren aldeko borroka txiki honi ekarpena egin eta esker ona adierazi zenuten dozenaka lagunei.