Euskal Herri mailako da gunea da ahotsak.eus, eta 5.000 lekuko baino gehiagoren hitzak bildu dituzte, 300 herri baino gehiagotakoak. 2007 eta 2008 urteetan lantalde bat aritu zen, Zumaiako Udalak eskainitako beka baten bidez, herriko adineko jendeari hainbat elkarrizketa egin eta Zumaiako hizkera aztertzen. Beste elkarrizketa batzuk gehitu zitzaizkion 2009an, eta urte amaieran zabaldu zuten webgunea. Harrezkero, bideo asko erantsi dituzte, eta 630 baino gehiago daude gaur egun.
Proiektu honen bitartez, XX. mendeko bizimodua jaso eta gordeko dituen datu-base digitala osatzearekin batera, Zumaiako euskalkia aztertu eta herriko ahozko artxiboa antolatuta geratuko da nolabait.
Halako lanak zabaltzea merezi duela iritzita, Euskara Zerbitzuan astero bideo bat hautatu eta jarriko dugu hemen, Zumaia eta zumaiarrak hobeto ezagutzeko.