BIDEOA: '(Ba)noa?' kortoak irabazi du Gaztetxeko lehiaketa

Baleike 2017-01-09 10:21   Kultura

Zazpi lan aurkeztu dira aurten Gaztetxeak antolatutako film laburren lehiaketara, eta (Ba)noa? lanak irabazi du Urrezko pertxa. Hemen ikus ditzakezue lan guztiak.

BIDEOA: Balea agertu da Getariako portuan

Baleike 2017-01-03 17:08   Gizartea

Gaur egun osoan zehar sekulako ikusmina sortu du atzo iluntzean Getariako portura sartu zen hamar bat metroko balea. Inguruko herrietatik jendetza bildu da Getariako portuan animalia ikusteko, hain gertu eta erraz ikusteko aukera gutxi izaten baita. Sare sozialetatik iritsitako bideo honetan ederki ikusten da. Informazio eta irudi gehiago Urola Kostako Hitzan.

BIDEOA: Musika Bandaren eta RECrearen abenduaren 23ko flashmoba

Baleike 2017-01-01 11:04   Kultura

Abenduaren 23an eman zuen Gabonetako kontzertuaren aurretik, Zumaiako Udal Musika Bandak musika kalera atera zuen, era berezi batean, gainera. Une horretan Upela plazan zeuden hainbat lagunek sorpresa galanta eraman zuten. Flashmob hura RECrea taldeko bideo egile gazteek jaso zuten beraien kamerekin, hemen ikusi dezakezuen bezala.

BIDEOA: New Orleanseko doinuak Itzurun tabernan

Baleike 2016-12-31 09:31   Kultura

Paul San Martinek, Fernando Lucho Neirak eta Carlos Segik osatutako The Loozzies hirukoteak kontzertu ederra eman zuen atzo Itzurun tabernan. Ordu gutxi batzugatik izan bazen ere, bazirudien New Orleanseko Barrio Frantsesean geundela entzuten ziren jazz, rhythm & blues eta funk doinuak entzunda. Hemen duzue kontzertuko une bat. 

2016: urte bat doinuetan, Iker Gonzalezen abesti eta moldaketekin prestatutako bideoa

Erabiltzailearen aurpegia San Pedro Abesbatza Zumaia 2016-12-30 09:26

Gure korukide den Iker Gonzalezk azken aldian egin dituen abesti eta moldaketekin bideo bat prestatu du. Estilo ezberdinak agertzen dira bertan eta aipatzekoa da Zumarte abesbatzak kantatzen duen "Neguaren baitan " abestiaren hitza gure beste korukide batenak direla, Uxua Sorazurenak hain zuzen.

(BIDEOA) Adora Osa Arrizabalaga: Amak erakutsitako Gabon kanta

Erabiltzailearen aurpegia Euskara Txanpan 2016-12-29 09:33   Gizartea

Arritokietara bideko Añezkoa kale baserrian jaioa da Adora Osa. Amak erakutsitako “Etxetxo txiki honetan” abestu eta jaiotza hartuta nola ibiltzen ziren azaltzen du bideoan. 

BIDEOA: Gabon Korua 'Gaur da' abesten Komentuan

Baleike 2016-12-25 09:54   Kultura

Urteroko legez, Gabon koruak kantu kalejira egin zuen atzo arratsaldean. Parroki aurretik atera eta parrokian bertan amaitu zuen ibilbidea. Tartean, herriko hainbat leku zeharkatu zituen. Ohiturari jarraituaz, Komentuan geldialdia egin zuen eta bost kanta eskaini zituen, horien artean, honako Gaur da hau. 

Musika Bandaren kontzertu solidarioa: White Christmas

Baleike 2016-12-24 09:15   Kultura

Jose Mari Azkuek zuzentzen duen Zumaiako Udal Musika Bandak Gabonetako kontzertu solidarioa eman zuen atzo kolkoraino bete zen Alondegiko Oxford aretoan. Bildutako dirua Zumaiako Errefuxiatuen Harrera Taldera bideratu zen. Gabonetan ohikoak diren abestiak entzuteko aukera izan zuten bertaratutakoek, Irving Berlinen White Christmas hau bezala.

Zumaiako Herri Eskolara iritsi dira Gabonak

Erabiltzailearen aurpegia Zumaiako Herri Eskola 2016-12-23 13:58   Gizartea

Zumaiako Herri Eskolara iritsi dira Gabonak. DBHko ikasleek argi erakutsi dute sukaldari trebeak direla, sekulako kutixiak prestatu dituzte-eta pintxo lehiaketarako. Postal lehiaketan ere artista ugarik hartu du parte, bejondeizuela! Horrez gain, aretoa borborka jarri dute ikasleek euren musika, bertso, abesti eta dantzekin. Hori da gozamena, urrea balio duzue! Orain oporren garaia da. Ondo pasa guztiok eta indarberrituta itzuli!

(BIDEOA) Joxeba Garate: Gabon gaua familian, afariko menua

Erabiltzailearen aurpegia Euskara Txanpan 2016-12-22 12:13   Gizartea

Zumaiako Kale Nagusian jaio zen Joxeba, gerra hasi baino egun batzuk lehenago. Eskola nazionaletan ikasi zuen. Ama arrain saltzailea zuen, Joakina Elosua, eta umetan hari laguntzen zion; gerora, arrantza asko egindakoa da: kainaberarekin, harraldean, gabarrantzan, motor txikian...  

BIDEOA: Urola treneko langileei omenaldia.

Baleike 2016-12-21 12:29   Gizartea

Gipuzkoako Foru Aldundiak atzo egindako omenaldi ekitaldia bideoan jaso zuten. Hemen ikusi dezakezue.

Larunbatean 340 sinadura jaso ziren herri-galdeketaren alde

Erabiltzailearen aurpegia Ontziratu Zumaia 2016-12-19 20:27   Politika

Larunbatean 340 sinadura jaso ziren herri-galdeketaren alde. Hurrengo hitzorduak honakoak izango dira: Abenduak 21 Alai Auzategian, 24 Erriberan eta 31 Erriberan. 

‘Konpost eroak’ haur antzerkia egingo da hilaren 26an Aita Marin

Baleike 2016-12-19 14:39   Kultura

Zirika Zirkus antzerki taldearen Konpost eroak haur antzerkia emango da abenduaren 26an, 18:00etan, Aita Mari zinean. Urola Kostako Udal Elkarteak antolatutako saioa da eta, beraz, sarrera doan izango da. Gonbidapenen bidez sartu ahal izango da aretora. Gonbidapen hauek turismo bulegoan jaso daitezke. 

'Francoren bilobari gutuna' antzezlana izango da gaur Aita Mari zinean

Baleike 2016-12-16 10:22   Kultura

Artedrama, Le Petit Théâtre de Pain & Dejabu panpin laborategiaren azken antzezlanak, Francoren bilobari gutuna izango da gaur, 22:00etan, Aita Mari zinean. Sarrerak aurrez salgai daude turismo bulegoan 9 euroan, 6 euroan Gazte Txartelarekin edo Aita Mari lagun izanda. Saioaren aurretik aretoko leihatilan ere salgai izango dira.

(BIDEOA) Manuel Ugarte: Saltaka-apustuak eta ahari-jokoak

Erabiltzailearen aurpegia Euskara Txanpan 2016-12-16 08:39

Epeola baserriko Manuelek bideoan azaltzen duenez, apusturako zaletasuna izan da Oikian. Saltaka-apustuak ere izaten ziren. Bere lehengusuak bat jokatu zuen eta galdu. Harri-jasotzailerik ez da izan herrian. Ahari-jokoak, ordea, bai. Lehengusu batek bazeuzkan artean jokorako ahariak eta garai batean oso ahari ona izan zuen, muturbeltz bat. 

'Igelak' eta 'Vaiana' pelikulak emango dira asteburuan Aita Marin

Baleike 2016-12-15 14:30

Asteburu honetan ere bi pelikula emango dira Aita Mari zinean: Helduentzako Igelak eta haurrentzako Vaiana marrazki bizidunen pelikula.

Izugarrizko esperientzia atzokoa

Erabiltzailearen aurpegia San Pedro Abesbatza Zumaia 2016-12-14 09:40   Kultura

Izugarrizko esperientzia atzokoa. Hemen duzue bizitakoaren zati bat, obrako zati ezagunenaren zati txiki bat. Erronka handia izan da guretzat baina atzokoaren ostean garbi dago egindako lanek bere fruitua ematen dutela.

RECrea, proiektu anitzetarako sortutako zumaiarren taldea

Erabiltzailearen aurpegia Jon Urbieta 2016-12-13 14:08

Ikus-entzunezko proiektu anitz sortzeko zumaiar taldea da RECrea. Bost gaztek osatzen dute. Haien ilusioak, nahiak, gogoak eta ametsak zine bihurtzeko helburuarekin. 

Karameleroa eta barkilleroa

Erabiltzailearen aurpegia Euskara Txanpan 2016-12-09 12:34   Kultura

Sabina Romatet eta Luisita Gorostola 1920ko hamarkadan jaiotakoak dira, eta txikitan dirurik ez zuten izaten. Kalez kale ibiltzen ziren saltzaileak; karameleroak "pirulí de la Habana" esan eta gozokiak saltzen zituen; barkilleroak, berriz, barkilloak. Sasoi txarrean jaiotakoak direla diote, orduko bizimodua guztiz ezberdina zela.

1936ko Gerra Zibileko testigantzak biltzeko zumaiarrei deia

Baleike 2016-12-07 12:36   Kultura

1936ko Gerra Zibilean eta gerraostean Zumaian gertatutakoa ikertzen ari da Aranzadi Zientzia Elkartea Udalarekin egindako akordioaren bitartez. Ikerketa egin ahal izateko, orduko testigantzak jaso behar dituzte, zuzenak zein etxean entzundako historiak, eta horretarako ezinbestekoa da zumaiarren parte hartzea. Aranzadiko Eneko Sanz ikerlariarekin hitz egin du Zumaiako EH Bilduk, eta bideo honetan jaso dute hark azaldutakoa. Testigantzak emateko, Udalera jo daiteke edo bestela Eneko Sanzekin harremanetan jarri, esanz@aranzadi.eus helbidean.